Л.Гумилев атындағы Еуразия ұлттық университетінің Телерадио және қоғаммен байланыс кафедрасы ғылым апталығы аясында «Қазақстандағы PR: өзектілігі мен келешегі» атты халықаралық дөңгелек үстел ұйымдастырды.
Дөңгелек үстелдің ғылыми бағыттары төмендегідей болды:
1. Қазақстандағы PR-ға сараптама жасап, ой-талқы жасау , ұсыныс білдіру;
2. Отандық PR-дың келешегіне көз жүгірту, болжам жасау;
3. PR мамандарын дайындаудың заманауи үлгілері жайында пікір алмасу;
Кездесуге Л.Гумилев атындағы Еуразия ұлттық университетінің студенттері, магистранттары және республиканың басқа да жоғары оқу орындарынан келген жастар қатысып, баяндама жасады. Жиын барысында жас ғалымдар отандық PR-ға сараптама жасап, өз ойларын ортаға салды, PR-дың келешегіне көз жүгіртіп, жоспарларын айқындады. Дөңгелек үстелді кездесуде модератор болған фил.ғыл.канд.доц. Б.Иманғалиев қорытып, қатысушыларға өз алғысын білдірді.
